प्रमुख कार्यकारी अधिकृतका तर्फबाट प्रतिवद्धता

२०५८ साल असार २२ गते २७ जना सदस्यहरूका भेलाबाट सहकारी ऐन २०४८ अनुसार सदस्यहरूलाई आफूले आर्जन गरेको आयबाट नियमित रूपमा बचत गर्न उत्प्रेरित गर्ने र संकलन भएको पुँजी तथा रकमबाट उत्पादनमूलक तथा आवश्यकता टार्न उचित ब्याजदरमा सरल र सुलभ तरिकाले ऋण प्रवाह गरी सदस्यहरूका आर्थिक, सामाजिक तथा सांस्कृतिक अवस्था सुधार गर्ने उद्देश्यका साथ यस संस्थाको स्थापना भएको हो । अनुभव, गतिशीलता र सहकारीका विश्वव्यापी मूल्य मान्यता एवम् सिद्धान्तहरूको व्यवहारिक अनुशरण गर्दै कार्य क्षेत्र भित्रका सबै वर्गका सदस्यहरूलाई सहभागी गराई करिब २३ हजार जना शेयर सदस्यहरूको साझा चौतारी बन्न सफल भएको छ । संस्थाले आफ्नो गन्तव्य र निर्दिष्ट बिन्दुहरूलाई भेदन गर्न संस्थाको परिकल्पना, ध्येय, लक्ष्य र उद्देश्यहरूका साथ अगाडी बढी रहेको छ र संस्थालाई अल्पकालीन लाभप्रद स्थितिमा सञ्चालन गर्नु भन्दा दीर्घकालीन संस्थागत विकास गरी राष्ट्रिय स्तरमा मात्र नभई अन्तराष्ट्रिय स्तरमै परिचित र स्व-सक्षम् संस्था बनाउन राष्ट्रिय स्तरका स्तरीकरणको प्रतिकिकरणका पद्धतिहरू मध्ये हाल प्रोवेशन ब्राण्डीङ  कार्यक्रममा सहभागी भएको छ । संस्था स्थापनाको २१ औँ वर्षहरू पार गर्ने क्रममा विभिन्न आरोह, अवरोहहरूसँग जुध्दै वीरेन्द्रनगर साकोस आजसम्म आएको छ । यस क्रममा आ–आफ्नो स्थानबाट संस्थाको विकासमा पुर्याउनु भएको योगदानप्रति संस्थाका सम्पूर्ण शेयर सदस्य, सञ्चालक, सल्लाहाकार एवम् सुभचिन्तक महानुभावहरूमा हृदयदेखि नै हार्दिक आभार प्रक्रट गर्दछु ।
सदस्यहरूले संस्थाप्रति देखाउनु भएको अगाध स्नेह, विश्वास तथा साथ सहयोगको परिमाण स्वरूप संस्थाले आगामी दिनहरूमा सहकारी ऐन, नियमावली तथा सिद्धान्त  अनुरूप तपाई सदस्यहरूको इच्छा, आवश्यकता र चाहना पूरा गर्दै जानेछ भन्ने प्रतिवद्धता व्यक्त गर्न चाहन्छु ।
समय सापेक्ष नवीनतम् सेवा सुविधाहरूको विकास र लगानीको उच्च प्रतिफल प्रदान गरी सदस्यलाई सन्तुष्ट बनाउन व्यवस्थापन प्रणालीलाई थप प्रभावकारी बनाउने कुरामा यहाँहरूको रचनात्मक सुझाबको सदैव अपेक्षा गरेको छु । आगामी दिनमा अझै प्रभावकारी व्यवस्थापन मार्फत तपाईहरूको आवश्यकता र सन्तुष्टिमा केन्द्रीत भई कार्य गर्ने कुरामा व्यवस्थापन प्रमुखको हैसियतले सदैव प्रतिवद्ध छु ।  धन्यवाद ! जय सहकारी ! जय वीरेन्द्रनगर साकोस !