वीरेन्द्रनगर साकोसको २३ औँ स्थापना दिवसमा पत्रकार सम्मेलन आयोजना !
असार २२, २०८१ । वीरेन्द्रनगर, सुर्खेत ।
वीरेन्द्रनगर बचत तथा ऋण सहकारी संस्थाको २३ औँ स्थापना दिवसको अवसरमा वीरेन्द्रनगरमा पत्रकार सम्मेलन कार्यक्रम आयोजना गरिएको छ । संस्थाको सञ्चालक समिति, लेखा सुपरिवेक्षण समिति लगायत विषयगत उपसमिति सदस्यज्यूहरुको गरिमामय उपस्थिति रहेको कार्यक्रमको सञ्चालन सचिव श्री रमेश कुमार सापकोटा ज्यूले गर्नुभएको थियो । संस्था अध्यक्ष श्री बम बहादुर बि.सी.ज्यूको स्वागत मन्तव्यसँगै सुभारम्भ भएको थियो ।
संस्थाका प्रमुख कार्यकारी अधिकृत श्री छत्र बहादुर थापाज्यूले संस्थाका बारेमा प्रस्तुतिकरण राख्दै संस्थाका हालसम्मका कारोबार विवरण संस्थाले उपलब्ध गराउँदै आएका बचत तथा ऋण सम्बन्धी सेवाहरुको जानकारी लगायत संस्थाले आयोजना गरेका वित्तिय साक्षरता कार्यक्रम सो मा सदस्यहरुको सहभागीता तथा सामाजिक उत्तरदायित्व अन्तरगत विषयमा केन्द्रित रहि विभिन्न संस्थागत गतिविधिका विषयमा जानकारी राख्नुभएको थियो ।
कार्यक्रममा जिल्ला पत्रकार महासंघका अध्यक्ष लगायत पदाधिकारी तथा सुर्खेत केन्द्रित रहि कलम चलाउनुहुने प्रिन्ट मिडिया तथा अनलाइन मिडियाका पत्रकारज्यूहरुको उपस्थिति रहेको कार्यक्रममा उठान भएका विभिन्न पश्न तथा जिज्ञासाहरुका विषयमा संस्थाका अध्यक्ष श्री बम बहादुर बि.सी.ज्यूले सम्बोधन गर्नुभएको थियो ।
आजकै दिन २०५८ साल असार २२ गते २७ जना स्थानिय संञ्चालक समितिको पहलमा वीरेन्द्रनगर, सुर्खेतमा वीरेन्द्रनगर बचत तथा ऋण सहकारी संस्थाको स्थापना गरिएको थियो ।
